News

Kamilah a atende International Athletes Forum

Un experiencia unico ta loke a pasa na Suiza

Miembro di Comision di atleta, Kamilah Dammers a atende e International Athletes’ Forum na Lausanne, Suiza.
E atleta elite den e deporte di bowling, Kamilah Dammers den su posicion como miembro di e Comision di Atleta a bishita Lausanne, Suiza unda e la atende un forum pa atletanan internacional rond mundo. Kamilah ta resumi e meta di su biahe y e importancia esaki tini pa e atletanan rond mundo mirando e topiconan cu a ser trata.

Riba e prome dia, Miembronan di Comision di Atleta di Comite Olimpico Internacional a duna un splicacion amplio di con COI ta genera plaka y tambe con 90% di e plaka aki ta bai bek den varios programa pa prepara atleta, den e Weganan y den desaroyo di deporte mundialmente. A enfatisa cu Comite Olimpico Internacional como tambe Panam Sports tin fondonan anual destina na e comision di atletanan y ta hasi un suplica na tur comision di atleta pa hasi bon uzo di e plaka aki. Tambe a enfatisa riba e programa “Athlete 365” cu ta un “resource” grandi pa nos atletanan durante pero tambe despues di nan bida di atleta. Athlete 365 ta un plataforma gratis cu tin varios curso cu atletanan por tuma pa mehora nan conocemento riba varios area. Varios atleta Olimpico a splika di e tools cu tin disponibel pa asina prepara bo mes pa e bida “despues di deporte”. Varios di nan a splika tambe con nan a uza esaki den nan deporte y nan network pa cuminsa cu nan mesun fundacion of negoshi. Mas cu claro e atletanan a pone enfasis riba e parti di “duna bek na comunidad”.
Riba e di dos dia a enfatisa hopi riba e concepto di “Safe Sport” cu mundialmente ta un topico hopi importante. Atletanan Olimpico cu a pasa den un of otro forma di abuso a conta nan storia y splika pakico ta hopi importante pa detecta e problemanan aki trempan.

Tambe, un panel fuerta di atletanan Olimpico Pau Gasol, Lindsey Vonn y Alysson Felix a refleha riba nan experiencianan durante Weganan Olimpico y splika pakico e eventonan Olimpico ta un di e miho momentonan di nan bida. Tambe, un miembro di organisacion di Gangwon (Youth) 2024, Paris 2024, Milano-Cortina 2026 y Los Angeles 2028 a splika riba e preparacion di e weganan Olimpico y kico tur por spera mirando cu semper ta buscando manera pa mehora y inova e weganan. e dia a caba cu un session di 2 ora caminda por a hasi pregunta directo na presidente di Comite Olimpico Internacional, Mr. Thomas Bach.
Overall, un super bon experiencia cu hopi miho conocemento di tur e tools cu nos por ofrece na nos atletanan y tambe un momento di inspiracion scuchando kico tur e comision di atletanan rond di mundo ta hasi pa e atletanan.

Related Articles

Back to top button