NewsWorld Beach Games 2019

Aksel y Sander ta cay venci

Team di Spaña fuerte pa nos atletanan

Atletanan di Beach Tennis Aksel Samardzic y Sander Castro a cay venci contra di Rodriguez y Ramos di Spaña

Un wega cu a bay preta cu un prome set unda e score di 7 – 6 a bisa tur cos. E wega aki tabata uno crucial cu por a bay ambos banda. Aruba a pone bon presion, a service bon y defende y ataca bon. Lamentablemente e wega no a bay na nos fabor. Fisicamente ambos pais tabata bon prepara.

Di e di dos set den prome game, Aruba a bataya bon, pero despues ta perde e concentracion den e wega y na e nivel aki esey ta mortal. Aruba ta cay atras 3 game. Askel y Sander a bataya pa drenta bek den e wega pero no por a gaci mucho na e score final di 6 – 3. Mester bisa cu Rodriguez y Ramos ta number 4 clasifica pa e World Beach Games y ta considera un di e mihornan di mundo.

Asina tambe e World Beach Games Doha 2019 a yega su final pa Samardzic y Castro. E torneo ta programa unda e ganador ta avansa y perdedor ta bay cas.

Tags

Related Articles

Close