Barranquilla2018News

Aruba Dushi Tera a zona na Cali

Oro pa Thashaina Seraus den bowling individual

Awe na e ciudad di Cali, caminda e competencia di Bowling den e Weganan Centroamericano y del Caribe ta tumando lugar tabata tin e ceremonia di medaya.

Despues cu diahuebs ultimo Thashaina Seraus a logra gana e medaya di oro cu un average di 250 pin p/wega. Awe e tono nan di nos himno Aruba Dushi Tera a resona den e Coliseo de Bolos, sigur un momento hopi emocionante pa e atleta scucha e himno y biba e momento aki logrando e medaya di oro pa su Isla.

Sigur esaki ta e mihor aña nan pa e bolichera Seraus, mirando e logro nan cu el a logra den competencia internacional y como tambe reconoci nacional como Atleta di Aña 2017.

Pabien un biaha mas na e gran atleta di bowling, Thashaina Seraus. Cu e sigui trece alegria pa e pueblo di Aruba den su deporte stima di bowling.

Tags

Related Articles

Close