World Beach Games 2019

Atletanan di Beach Tennis cla pa Doha

Aksel y Sander lo representa Aruba na Qatar

Atletanan di beach tennis Aksel Samardzic y Sander Castro lo representa Aruba den e World Beach Games na Doha, Qatar.

Dentro di dos siman lo tuma lugar e prome World Beach Games na e ciudad di Doha, Qatar unda nos representante nan den e deporte di beach tennis, Aksel Samardzic y Sander Castro lo participa. Samardzic y Castro lo hunga contra e mihonan di mundo den e deporte di beach tennis. Aksel y Sander a conoce un tremendo temporada 2019 unda nan a sa na logra medaya pa Aruba den e South American Beach Games na Rosario, Argentina. Tambe den e recien campeonato mundial di beach tennis na Sint Petersburgh, Russia ambos atleta di Aruba a sa na haci un super bon papel.

E World Beach Games lo inicia dia 12 pa 16 di oktober. Anteriormente e ciudad di San Diego, Merca mester a organisa esaki pero na ultimo momento a retira nan participacion.

Deportenan cu lo ta participando na e World Beach Games ta:
1. Basketball
2. Football
3. Handball
4. Karate
5. Sailing
6. Skateboarding
7. Sport climbing
8. Swimming
9. Tennis
10. Triathlon
11. Volleyball
12. Waterskiing
13. Wrestling

Aruba lo bai cu un delegacion di 5 persona kendenan ta e atletanan Sander Castrp y Aksel Samardzic hunto cu coach Jonathan Goitia. Como Hefe di Mision Junior Dake y Masahista Francis Maduro.

Tags
Close