Den fin di siman a tuma lugar e conferencia LIDERA cu e orador y motivador Trent Shelton. E conferencia a ser organisa pa Aruba Trade & Industry Association. Riba diabierna mas cu 450 studiante/atleta a atende e conferencia.
Prome cu Trent Shelton a subi e scenario, un panel di Aruba mes consisti di (ex) atletannan elite, Devah Leenheer, Jordy Groters, Elliott Loonstra y Nicole Hoevertsz, a elabora riba nan experiencia di bida como atleta y awor formando parti di e industria di deporte unda cada uno a trece nan version como personanan cu a yega hopi leu den bida atrabez di deporte.
Riba diasabra Wanda Broeksma e actual presidente di Comite Olimpico tambe a forma parti di e panel di Aruba hunto cu Jean Carlo Espinal y tambe Mingli Chung.
Wanda a haja oportunidad pa asina conta di su experiencia trahando den e diferente sectornan di Trabou.
Un pabien na ATIA cu e bunita iniciativa aki.
