Barranquilla2018News

Ceremonia Despedida Barranquilla 2018

28 atleta lo participa na e gran evento aki

Diahuebs anochi den e Frank Conway room di Casa del Mar, Comite Olimpico Arubano (COA) a tene un anochi ameno y masha special, unda a celebra e Ceremonia di Despedida di e delegacion cu lo sali otro siman pa e Weganan Centro Americano y Del Caribe Barranquilla 2018. Aruba lo participa cu 28 atleta, den 10 diferente deporte cu ta consisti di 11 disciplina.

Presidente di COA, Sr. Roy Mezas y Secretaria General di COA, Sra. Nicole Hoevertsz a hiba palabra pa tur esnan presente. Despues Hefe di Mision, Juelle Thode a duna informacion general di e biahe di e delegacion y reglanan cu lo mester tene cuenta cun’e na Colombia durante e Weganan.

Por ultimo e atleta di natacion, Mikel Schreuders a keda nombra como abanderado, cual ta e persona cu lo carga e bandera di nos pais durante e ceremonia di apertura di e Weganan Centro Americano y Del Caribe Barranquilla, Colombia. Presidente di COA, Sr. Roy Mezas a pasa e bandera na e hefe di mision, Juelle Thode, cu por ultimo a pasa esaki na e atleta Mikel Schreuders.

COA ta desea cada un di e integrantenan di e delegacion pa Weganan Centro Americano y del Caribe Barranquilla 2018 tur clase di exito y lo sigui nan pasonan di cerca, manteniendo e pueblo di Aruba na haltura na tur momento.

Tags

Related Articles

Close