NewsRosario2019

Congreso Beach Tennis

Tur cos ta cla pa e gran evento di Beach Tennis na Rosario

Awe mainta a tuma lugar e congreso pa e deporte di Beach Tennis

Na Ross Tower e diferente pais nan presente a haya tur informacion necesario pa asina start cu e competencia di Beach Tennis manjan na La Florida.

Aruba lo participa den Singles, Doubles y Mix. E equipo di Aruba lo ser representa pa e atletanan: Maud Celaire, Dominique Hopman, Sander Castro y Aksel Samardzic.

Aksel lo start manjan mainta como prome pa 9or di mainta den singles contra di Thomas Quintera di Ecuador. Despues Maud y Sander ta sigi den singles. Maud lo bai enfrenta Jesica Oselli di Argentina mientras cu Sander lo enfrenta Alexander Huber di Chile. Despues di esey Dominique lo sigi contra di Rafaella Miller di Brazil.

Mas den atardi lo start cu e doubles nan. Akinan Sander cu Aksel lo enfrenta e duo fuerte di Venezuela, Ramon Maluff y Carlos Alvarado.

Den e doubles di damas Maud cu Dominque lo enfrenta e team di Chile ken nan ta Maria Rivera y Francisca Gonzalez.

Y por ultimo nos lo tin e mix cu lo ser hunga pa Aksel y Dominque. E duo lo mester enfrenta e team di Uruguay representa pa Alejandro Peizoto y Maria Ravera.

Related Articles

Back to top button