Lima2019News

Thashaina entre e mihor ochonan

Seraus a logra mantene su mes entre e 8 mihor nan

Thashaina Seraus ta logra clasifica entre e mihor ocho bolicheronan pa e Round Robin den e Panam Games LIMA 2019

E bolichero Thashaina Seraus a mantene su mes entre e 8 mihor bolicheronan den e Weganan Panamericano na Lima, Peru unda e posibilidad pa un medaya pa Aruba ainda ta na vigor. Awe dialuna Thashaina y Kamilah a hunga e dos di buelta unda ambos mester a defini nan puesto final pa loke ta e clasificacion den singles. Mester bisa cu Thashaina a keda tira basta stabil y mantene su mes entre e cuaternan mihornan mientras Kamilah tambe a tira stabiel y a tira algun bon wega sigur e weganan 3 – 4 y 5 mientras e ultimo wega e no a tira manera desea y ta keda na di 11 lugar overall cu 50 pin cortico di e mihor ocho clasificadonan. Thashaina ta caba cu un score total di 2612 cu un averahe di 217.7 bon pa un di 4 lugar mientras Kamilah Dammers Naddall ta caba cu un score total di 2477 cu un averahe di 206.4 bon pa un di 11 lugar overall. Aruba su team ta bou guia di coach Randy Stoughton di Merca.

Mañan Thashaina lo hunga 8 wega mainta mientras su score di awe dialuna lo conta pa mañan diamars. Ta bon pa bisa cu cada wega gana mañan lo haya 20 pin bonus extra. Despues di e 8 weganan hunga e mihor 4 nan ta bai final mañan atardi 5or. Lo hunga kruis final 1 contra 4 y 2 contra 3. Perdedornan ta haya brons tur 2 y ganadornan ta bai di biaha pa di 1 y di 2 luga pa disputa e medayanan di Oro y Plata.

Related Articles

Check Also
Close
Back to top button