Buenos Aires 2018News

Delegacion a biaha pa Argentina

Weganan Olimpico Hubenil lo cuminsa dia 6 di oktober benidero

DELEGACION DI ARUBA A BIAHA PA E WEGANAN OLIMPICO HUBENIL BUENOS AIRES 2018

Diamars merdia e delegacion bou capa di Comite Olimpico Arubano, COA a sali pa Buenos Aires unda 6 di oktober benidero, e di tres edicion di e Summer Youth Olympic Games 2018 lo inicia na Argentina. Esaki lo bira e prome Weganan Olimpico Hubenil celebra den e continente America. Mas di 4 mil(4000) atleta for di 206 pais rond mundo lo celebra e evento deportivo mas grandi di nos universo. Entre e 206 paisnan aki mas cu claro nos tin nos propio delegacion di Aruba.

E delegacion di Aruba conoci tambe como Team Aruba ta consisti e biaha aki di e atletanan Anahi Schreuders den e deporte di landamento, Patrick Sydow den e deporte di tennis, Giannon Eights den e deporte di triathlon, e duo femenino Kayla Arends y Mali Rafini den e deporte di beach volleyball y e duo masculino Brian Howell y Raibiently Mercalina den e deporte di beach volleyball cu lo representa Aruba den e Weganan Olimpico Hubenil Buenos Aires 2018. Hunto cu e delegacion di atleta lo biaha entrenadornan Ismael Santiesteban(landamento), Claudio Martinez(tennis), Nicolaas Robert(triathlon), Elmer Robles de Medina(beach volleyball masculino) y Irald Phelipa(beach volleyball femenino), masahista Silvana Orman y Prensa di COA, Seever krozendijk y Noel Werleman. Na Argentina e delegacion lo encontra cu Sr. Kenneth Vrolijk cu ta e Hefe di Mision pa e Weganan Olimpico Hubenil Buenos Aires 2018. Di parti di e directiva di COA lo asisti na e Weganan, Sra. Wanda Broeksema y Sr. Roy Mezas cu ta e vice-presidente y presidente di COA. Tambe lo tey presente Sra. Nicole Hoevertsz den su calidad como miembro ehecutivo di Panam Sports y Comite Olimpico Internacional(IOC).

Na airport, famia, amigo y conocirnan a bin despedi di henter e delegacion. Presente tambe nos por a mira tesorero di COA, sr. Edwin Roos hunto cu director di direccion tecnico, sr. Edmundo Josiah. Nos atletanan hubenil lo biba un experencia unico mei mei di tur e 4000 atletanan di e 206 pais rond mundo participando na e Weganan Olimpico Hubenil Buenos Aires 2018.

COA y Aruba completo ta desea nos atletanan hubenil y Team Aruba tur clase di exito na Argentina.

Tags

Related Articles

Close