Barranquilla2018News

Ceremonia Apertura Barranquilla2018

Mikel Schreuders a carga e bandera pa drenta e stadion

Diahuebs anochi den e stadion Metropolitano Roberto Melendez a tuma lugar un bunita ceremonia di apertura di e XXIII Weganan Centroamericano y del Caribe Barranquilla 2018. Mas cu 30.000 espectador a presencia un ceremonia bunita, cu a trece dilanti un show yama “Barranquilla Show 2132” cu varios artista renombra di Colombia presente durante e acto aki.

Un gran cantidad di atleta di 37 diferente pais a desfila hunto cu nan bandera. Mikel Schreuders tabata tin e honor di ta e abanderado. E highlight di anochi ta na momento cu Aruba a drenta e stadion Metropolitano y a desfila riba e tono musicalnan di Jonathan “Jeon” Thiel. Nos delegacion a sa di disfruta di e espectaculo, bailando, gritando y saludando durante henter e desfile.

E antorcha a yega e stadion Metropolitano den man di e hungador di e seleccion colombiano di futbol, Carlos Bacca cu na su turno a entrega esaki na Maria Luis Calle, cu di su banda a entrega na Mariano Pajon cu a hasi un recorido den e stadion pa entrega na Helmut Bellingrodt y por ultimo Edgar Renteria, ex hungador di baseball profesional di Grandes Ligas tabata tin e honor di sende e vlam centroamericano. Presidente di Colombia, Juan Manuel Santos , hunto cu e presidente di Odecabe, Steven Stoute a duna inaugura oficialmente e “XXIII Juegos Centroamericanos y del Caribe 2018”. Pa sera un anochi grandi, publico presente y como tambe tur delegacion tabata tin e honor di disfruta di e artista colombiano, Shakira.

E Weganan Centroamericano y del Caribe lo continua t’e cu 3 di augustus proximo.

Related Articles

Back to top button