News

Di 2 session di ‘Sports Administration Skills’

Workshop a sigi cu 2 diferente presentation

Ayera a tuma lugar e di 2 session di ‘Sports Administration Skills’. Giacomo Petrochi di Ernst & Young a duna un splicacion pa loke ta trata con pa traha un Balance sheet, e jaarrekening pa bo Federacion y con importante e ta pa bo tin un ‘Framework’ cu ta consistente.

Despues notario Mayrène Helmeyer a haci un introduction pa cu e importancia di tin statuutnan up to date. Falta di tin e statuutnan na ordo por pone Federacion den un situacion hopi fastioso. E di dos anochi tambe tawata uno exitoso y awe lo ta e ultimo dia di e 3 sessionan cu a wordo organiza pa COA pa asina duna Federacionan informacionan cardinal, pa concientisa y pa asina crea Federacionan mas fuerte y exitoso.

Awe 24 Augustus lo toca e tema di Liderazgo y strategia pa bo Federacion. A la vez lo tin un presentacion tocante Branding y con pa mercadia bo Federacion mas mihor cu ta posibel. Tur Federacion ta bon bini na e ultimo anochi aki.

Related Articles

Back to top button