Judoka Jayme Mata a mira accion den Weganan Olimpico

Jayme Mata 12012-07-09. Diadomingo mainta e prome atleta Arubanio participando na e Weganan Olimpico di Londres, esta Jayme Mata a mira accion. Un elenco formidabel cu e prome top dieznan di mundo a competi den e categoria di 66+ cual ta e categoria di Jayme Mata. Despues di a ricibi un ”bye” den e prome ronda, e atleta Mata tabata spera e ganador di e pelea entre e Italiano Faraldo rank number 19 di mundo y e spanjo Uriarte rank number 8 di mundo. Aki e spanjo Uriarte a sa na

triunfa pa asina enfrenta e atleta Jayme Mata.

Mester bisa cu Jayme a sinti su mes bon pa cu e combate contra di e spanjo Uriarte, ela inicia bon den su prome atake pero dado momento tanto e spanjo y Jayme a bai suela, aki e spanjo a probecha di tene Jayme den un asina yama "houdgreep" cu Jayme no por a sali for di dje, el a wanta Jayme e binti cinco secondenan reglamentario den e houdgreep cu a duna e spanjo Uriarte e victoria. Asina Jayme a bin perde su combate y a keda elimina.

Nos a combersa cu Jayme caminda ela bisa nos cu e tabata desapunta, e pelea a bai otro cu ela spera, e atleta Uriarte ta hopi bon ora di bringa na suela, su specialidad. "Mi mester a evita di bai suela, mi no por a lanta, mi a kere cu e referee lo a para pa nos dos lanta, pero e spanjo a trek mi bon y a tenemi den un posicion di lock cu dificilmente mi por a sali for di dje". "Tres siman pasa mi a entrena cu Uriarte na Barcelona unda mi a bringa cune, mi sa cu e tabata bon pero mi a wak algun oportunidad di por saka probecho di coi punto, pero mi no a haya e chens".

Ta bon pa bisa cu den e categoria di Jayme cual ta 66+, e number dos di mundo y “seeded” number un pa Olimpiada, e Ruso Mugoshkov a perde sorpresivamente for di su contrincante di Azerbadjan anto den e prome ronda y ta afor pa loke ta e oportunidad pa un medaya, mescos a conta pa e faborito judoka japones Ebinuma kende a perde su combate den semi-final y a bai bringa e medaya di brons. Esaki ta djis un ehempel cu no ta paso bo ta number 2 di mundo y/of faborito, bo chens di gana medaya ta sigura. Mester corda cu otronan a traha mes duro cu pa logra e mesun obhetivo. Pa Jayme esaki sigur tabata un experiencia grandi, e lo sigui entrena duro na Hulanda paso e ta mira un posibilidad di por yega leu. E bringador di Georgia, Shavdatuashvill number 18 di mundo a gana e medaya di oro.

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1

Copyright © by Comite Olimpico Arubano. All rights reserved.