Tur atleta tin e derecho di representa nan pais den un Weganan Olimpico

IMG 93092012-08-11. Si un dia bo a mira un evento Olimpico of hasta e ceremonia di apertura di e Weganan, sigur bo a haya bo mes ta puntra: "Unda e pais ey ta keda riba e mundo aki"? E punto principal den Weganan Olimpico ta pa participa cu un cantidad di atleta cu no tin e oportunidad di logra un medaya durante di e evento. Pa algun e hecho cu nan ta eynan caba ta hasi nan un superstar den nan pais, pa otronan e hecho cu nan ta di un pais chikito no ta stroba di bira un heroe

nacional den su pais, por ehempel Kirani James kende a triunfa den e 400m den atletismo, dunando e isla chikito Caribense di Grenada su prome medaya den historia.

IMG 9316Pa otronan atrobe, manera e atleta femenino Sarah Attar di Saudi Arabia, e segundo atleta femenino den historia cu a representa e pais arabe, e tabata importante pa ta presente na e Weganan Olimpico (Attar a finalisa e evento di 800m cuarenta y tres seconde riba di e tempo ganador). BBC London radio 94.9, Jonathan Savage a cuminsa investiga e bida di atletanan Olimpico cu menos posiblidad di gana un medaya, den e caso aki procedente di e isla di Aruba.

Esaki ta e forma con e periodista ingles Jonathan Savage a inicia e entrevista realisa cu nos atletanan Olimpico, Jemal Le Grand y Jayme Mata, como tambe Secretaria General di COA, Sra. Nicole Hoevertsz pa BBC Radio London 94.9.

Algun dia atras, e entrevista a wordo pasa na radio na London cu porcierto ta gosa di un audiencia grandi y su popularidad ta enorme aki na Inglatera.

Cu e entrevista aki Jonathan kier a mustra cu tur atleta tin e derecho di representa nan pais na Weganan Olimpico. E posibilidad pa gana un medaya casi no ta existi, pero no ta algo imposibel, ehempel el a duna di e atleta Kirani James procedente di e isla Caribense di Grenada, kende a logra gana un medaya di oro den atletismo pa su pais. Ta nifica cu IMG 9329trabou duro y perseverancia un dia tur atleta por logra nan sonjo.

Pa esnan cu kier scucha e entrevista realisa cu nos atletanan Olimpico Jemal y Jayme, como tambe cu Secretaria General di COA, Sra. Hoevertsz por subi e link akibou.

E ta: http://audioboo.fm/boos/915814-aruba-the-ultimate-olympic-underdogs

Copyright © by Comite Olimpico Arubano. All rights reserved.