Weganan Olimpico di Londres 2012 a yega su final

Clausura  (1)2012-08-14. Presidente di Comite Olimpico Internacional (IOC), Sr. Jacques Rogge, a declara e cierre di e di trinta edicion di e Weganan Olimpico, esaki net prome cu mei anochi bisando: "Nos no lubida e sonrisanan, e bondad y e ayudo di tur e boluntarionan, e berdadero heroenan di e Weganan Olimpico".

Tambe ela gradici e publico pa nan entusiasmo. "Boso, espectador y publico a provee e sonido pa cu e Weganan. Cada grito a duna e competidornan mas energia y a trece un spirito festivo den tur acomodacion Olimpico".

E final di e Weganan a mira e Vlam Olimpico ser paga den e secuencia spectacular. Cada equipo participante a ricibi un di e petalo "Olympic Cauldrons" pa hiba cas.

E ceremonia spectacular a mira tambe pa cu e proximo Weganan Olimpico na 2016, ora cu bandera Olimpico a ser otorga na e Gobernador di Rio de Janeiro, Eduardo Paes.

Hasta su Mahestad La Reina a manda un mensahe special di felicitacion. "E prestacion extraordinario di Team GB, na logra e miho resultado den historia di e comienso di weganan na 1908, a inspira e generacion nobo di futuro atletanan Olimpico y lo recorda nos tur con deporte por uni un comunidad y su nacion.

E Ceremonia di Clausura di e Weganan di Londres 2012 a duna tributo na e musica, e moda y e cultura Ingles. Artistanan Ingles cu a actua na e cierre di e weganan tabata inclui The Who, The Spice Girls, Take That, Tinie Tempah, George Michael, Fatboy Slim, Madness, Jessie J, Annie Lennox, Kaiser Chiefs, Taio Cruz, Beady Eye cu su cantante principal Liam Gallagher, Ray Davies, Queen’s Brian May y Roger Taylor, Pet Shop Boys, One Direction, Muse, Elbow, Emeli Sandé, Eric Idle, Julian Lloyd Webber, Ed Sheeran, Richard Jones, Mike Rutherford y Nick Mason.

E tributo na e moda ingles a conta cu aparicion di e super modelonan manera Kate Moss, Naomi Campbell, Lily Donaldson, Stella Tennant, Karen Elson, Lily Cole, Georgia May Jagger, Jourdan Dunn y David Gandy.

Un grupo di boluntario alrededor di 3500 a tene un ensayo di casi 60 ora pa un total di 135 durante di e oranan di anochi y e fin di siman den dos diferente sitio di entrenamento na Londres.

E weganan di RIO 2016 lo bira e proximo Weganan Olimpico, unda cu e pais Sur Americano lo bira e prome pais cu lo host Weganan Olimpico. E bandera Olimpico ya a yega Rio de Janeiro, unda cu mundo henter lo topa otro aki 4 anja.

 

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1   

Copyright © by Comite Olimpico Arubano. All rights reserved.