Loke mas a impacta di e Weganan Olimpico di Londres 2012

Apertura Londres 2012 (32)2012-12-05. Tur e 204 Comite Olimpico Nacional, paisnan miembro di Comite Olimpico Internacional, a competi durante e Weganan Olimpico na London;
Tabata tin mas NOC cu nan medionan di comunicación presente na e Weganan compara cu cualkier otro edicion di e Weganan;
Cobertura di transmision cu a kibra tur record;
Aumento grandi den siguidornan di rednan social;
A logra cu awor tur e NOC-nan a yega di manda hende muhe den nan delegación na un edicion di e Weganan Olimpico

Legadonan fuerte for di e Weganan

E Weganan di e di XXX Olimpiada, cu a tuma lugar na London na juli di e aña aki tabata yena cu prestacionnan atletico cu a inspira y a pone standardnan nobo pa planificacion di legado. Como resultado, e Weganan di Londres lo trece beneficionan positivo y di duracion largo pa deporte, e Movimento Olimpico y pa e ciudad y nacion anfitrion.

PRESTACION di Londres 2012
Un tiki mas cu 10.500 atleta a competi.
Competidornan a marca 38 record mundial y 99 record Olimpico.
Michael Phelps di Merca a bira e atleta Olimpico cu a gana mas medaya despues di a gana su di 22 medaya na London den e deporte di landamento.
Ben Ainslee di Reino Uni a bira e participante den e deporte di vela cu a gana mas medaya Olimpico, despues di a gana su di cuatro medaya di oro.
Usain Bolt di Jamaica a segura su di dos victoria Olimpico consecutivo den dobbel sprint 100m y 200 m Olimpico.

COMPARTI BALORNAN OLIMPICO
E Weganan di Londres a heraldia un era nobo den cobertura Olimpico, cu mas cobertura tradicional compara cu antes, suplementa pa un cobertura digital sin precedente, cu a duna fanaticonan acceso na e Weganan tur caminda y na tur momento. E Weganan di 2012 tabata e promenan cu a brasa medianan social y un cobertura online. E cobertura di media tur rond a duna bida na e balornan Olimpico pa publico rond mundo.

UNIVERSALIDAD Y IGUALDAD DEN GENERO
- Tur 204 Comite Olimpico Nacional a competi.
- 657 atleta cu a ricibi un beca for di Solidaridad Olimpico a competi y a gana 72 medaya.
- 85 NOC tabata tin ganadornan di medaya, incluyendo siete ganador cu a gana medaya pa prome biaha pa Bahrain, Botswana, Cyprus, Gabon, Greneda, Guatemala y Montenegro. Un atleta di Sur Sudan y tres atleta di e antes Antiyas Hulandes a competi bou di bandera Olimpico. Londres 2012 a wak un participacion record di hende muhe, nan a forma mas o menos 44 porciento di e cantidad total di competidornan.

Cu e adicion di boxeo femenino, pa prome biaha hende muhe a competi den tur deporte riba e programa Olimpico.
Cu e inclusion di atletanan femenino for delegacionnan di NOC di Saudi Arabia, Qatar y Brunei Darussalam, tur NOC a manda hende muhe na e Weganan di 2012. Atletanan femenino tabata mas cu masculino den 35 delegacion di NOC for di e equiponan mas chikito t’e na e mas grandinan (USA, Rusia, China).

Legado Social
Educacion
E Weganan Olimpico y Paralimpico a inspira mas di 2000 proyecto comunitario, diseña pa educa hobennan den Reino Uni tocante deporte, salud y fitness, arte y balornan Olimpico.

Lucha Contra Doping
E Weganan di Londres 2012 tabata esun cu e programa mas amplio di prueba di doping di tur e Weganan Olimpico den historia. Mas di 5000 test di cual 4005 di urina y 1057 di sanger a wordo haci durante e Weganan, despues di testmento extensivo prome cu e Weganan ehecuta pa e Comitenan Olimpico Nacional y Federacionnan Internacional. Testnan durante e Weganan a wordo conduci riba e top cinco competidonan den cada prueba, como tambe dos “at random” den cada evento.

gallery1 gallery1 gallery1
gallery1 gallery1  

Copyright © by Comite Olimpico Arubano. All rights reserved.