Despues di tres anja di renovacion a re-inaugura stadion di Maracana na Brazil

Maracana StadiumAruba, 1 mei. E stadion cu mas historia na mundo esta Maracana na Brazil ta habri despues di tres anja di renovacion. Diasabra e stadion di Maracana a habri su portanan cu e trahadornan di construccion hayando e prome bunita bista di e icono di Rio de Janeiro cu lo host e final di Mundial di futbol 2014 y e ceremomia di apertura como tambe clausura di e Weganan Olimpico 2016.

E prome partido di futbol di e stadion nobo di Maracana tabata uno cu a bai entre e amigonan di Ronaldo y esnan di Bebeto, tur ex-campanero di e seleccion di Brazil.
"E ta mustra impresionante," segun ex delantero Ronaldo. "Mi ta contento pa mira cu e stadion ta cla pa e weganan. Maracana ta un simbolo di Brazil".

E trahadornan cu a yuda na e renovacion di e stadion hunto cu nan famia tabata invitadonan di honor pa presencia e prome test den e Maracana nobo. Aki un luna, tres partido di e Copa Confederacion lo ser hunga den e stadion di Maracana, incluyendo e gran final.

Entre e invitadonan por a mira tambe Presidente di Brazil, Dilma Rousseff y ex -Presidente Luiz Inacio Lula da Silva hunto 30,000 otro persona cu tambe a atende e inauguracion.

E renovacion di e stadion cu a costa alrededor di 500 miyon dollar no a bai sin su critica, mirando cu ya caba e stadion di Maracana a pasa den un facelift basta costoso esaki net prome cu e Weganan Panamericano di Rio 2007.

Na halftime Ronaldo, un miembro su mes di e comite organisador di e Mundial di futbol 2014 tabata tin un bunita mensahe pa Maracana stadiumtur e trahadornan cu a yuda realisa e projecto.
"Masha danki pa tur cos, boso ta mi berdadero heroenan," asina ela expresa den e ekipo di sonido di e stadion di Maracana.

Bebeto a agrega: "Mi a hunga den Wembley, Camp Nou, Santiago Bernabeu y otro stadionnan di clase mundial, pero e stadion di Maracana ta keda esun cu mas historia di futbol, e ta uno hopi special."

Copyright © by Comite Olimpico Arubano. All rights reserved.