Barranquilla2018News

Jeandry a inicia su participacion

Prome wega tabata contra di Guatemala

Awe mainta e deporte di Table Tennis a inicia. Jeandry Mathilda cu a gana su clasificacion pa e Weganan Centroamericano y del Caribe den e luna di maart y awe a inicia su participacion.

Su prome wega di awe tabata contra di Allan Gutierrez di Guatemala. Den e wega aki Jeandry tabata nervioso na inicio. Cual e hungador di Guatemala a sa di probecha di esaki y gana e wega den tres set sigui, cu score di 11-4, 11-9 y 11-8.

Den e wega di atardi nos atleta mester a enfrenta Dario Arce di Mexico. E biaha aki e tabata tin mucho mas confiansa y a sali domina e prome set pa gana cu score di 11-8. Jeandry den di segundo set a perde den algun punto crucial, cu Mexico ta logra gana e set cu score di 11-7.

Di tres set a inicia mesun cos cu di dos, pero e biaha aki Jeandry a bataya pa purba alarga e wega pa un set mas, pero esaki tabata envano. E ta perde e ultimo wega cu score di 11-8. Y e wega ta termina e ora cu score di 3-1 pa e hungador di Mexico.

Tags

Related Articles

Close