Buenos Aires 2018News

Kyala y Mali a truinfa

Historia pa Aruba na e Weganan di Buenos Aires

HISTORIA
Duo di Beach Volleyball Kayla Arends y Mali Rafini a triunfa den nan prome encuentro den e Youth Olympic Games 2018 na Buenos Aires, Argentina.

E prome victoria oficial den un Wega Olimpico Hubenil pa Team Aruba. Awe dialuna e duo di beach volleyball Kayla Arends y Mali Rafini a gana nan prome wega contra di Rwanda(Africa) pa loke ta e competencia di beach volleyball.

Mester bisa cu bou di un publico grandi mayoria consisti di muchanan di scol basico como tambe algun familiar, e duo di Aruba a cuminsa poco nervioso na e partido. Pero despues Aruba a domina bon unda ta bin gana e prome set di Rwanda cu e score di 21 – 15.

Den e di dos set e duo Velantine/Peneloppe di Rwanda a lidera e di dos set di comienso te na final. Aruba dado momento a bini bon bek siendo 5 punto abou y ta bin empata 17 – 17, pero aki Rwanda a gara su puntonan pa hiba e di dos set na nan fabor 21 – 18.

Den e di tres set, Mali y Kayla a sali bon y ta piki nan puntonan pa un diferencia grandi, pero poco poco e duo di Rwanda no a give up y ta yega serca di Aruba. Na 13 – 13, Aruba ta anota 2 punto tras di otro pa asina hiba nan prome victoria den e Weganan Olimpico Hubenil aki na Buenos Aires.

Nos damitanan a bringa bon den e wega aki apesar cu e duo di Rwanda nan estatura tabata mas cu esun di Aruba. E puntonan crucial a bini net na bon momento y merecidamente Kayla y Mali ta hiba e prome victoria.

Cu esaki tambe nos delegacion ta haci historia cu e prome triunfo den un Wega Olimpico Hubenil den un deporte di ekipo.

Nan proximo encuentro lo ta diaranson awo contra di Venezuela.

Un pabien na Mali, Kayla, coach Irald Phelipa, Aruba Volleyball Association, Mayornan y tur esnan cu a contribui na e exito di e atletanan.

Tags

Related Articles

Close