Natacion a sigi den e Compleho Eduardo Movilla
Daniel Jacobs, Patrick Groters y Team Relay a continua
E anochi di natacion den e Complejo Acuatico Eduardo Movilla aki na Barranquilla, Colombia caminda e Weganan Centroamericano y del Caribe 2018 ta tumando lugar a inicia cu Daniel Jacobs den 200m liber final B. Cu un tempo di 1:53.28 ta caba na di 5 lugar.
Patrick Groters a drenta piscina unrato despues pa e Final B di 50m lomba. Cu un tempo di 26.37 seconde a keda net afo di e prome tresnan di e final aki.
E ultimo di anochi tabata e relay di 4x 100m liber. E orden di salida tabata Daniel, Patrick, Jordy y na final Mikel. Entre nan cuatro a logra un tempo di 3:32.36 y asina kibra e record nacional di Aruba den e disciplina aki.
Manjan lo ta ultimo dia pa loke ta trata e deporte di natacion. Anahi Schreuders den 50m liber. Jordy y Mikel lo hasi tambe 50m liber. Y na final di e mainta lo tin e 4x 100m combina, caminda tur cuatro atleta masculino lo participa.
