News

Monica Pimentel y Jaydon Croes a atende e forum

Forum a tuma lugar na Cancun

Ex-atleta Olimpico, Monica Pimentel y landado prospecto, Jaydon Croes a atende e forum Continental Athletes’ Forum Cancun 2022

Actualmente ta na Cancun, Mexico nos ex-atleta Olimpico, Monica Pimentel den representacion di Comision di Atleta como tambe hoben landado prospecto, Jaydon Croes cu ta atendiendo un forum importante organisa pa Panam Sports unda ta discuti temanan importante cu un ex-atleta y atletanan actual ta enfrenta diariamente den nan carera deportivo y claro despues di esaki.

Mester bisa cu tin topiconan importante cu lo wordo trata durante e forum manera dopahe, bida despues di deporte, “branding” personal, salud mental, deporte y sostenibilidad, “business & entrepreneurship”. Mester bisa cu un total di 41 pais lo ta atendiendo e forum aki y Aruba tambe ta forma parti.
Den un combersacion sosteni cu presidente di Comision di Atleta, Monica e la conta nos lo siguiente:
“Aruba Athletes commission ta participando den e Athletes Forum di Panam Sports. Esaki ta hopi importante pa nos commission pa siña di otro commission di diferente pais y di na experencia y pa nos por aporta mas activamente na Atletanan di Aruba.

Durante e forum nos ta haya más informashon di e tools y fondo pa e Athletes Commission y informashon di Olympic Solidarity. Como presidente di Aruba Athletes Commission e ta importante pami por haya un guia pa mi por yuda nos atletanan mas miho. Como ex-atleta mi ta interesa den e topico nan manera life after sport cu ta acualmente algo cu mi ta pasando aden”, Monica a conta nos.

Pa loke ta landado prospecto, Jaydon Croes, su persona a wordo eligi door di e Comision di Atleta pa ta e atleta representante na Cali 2021 durante e forum. Aki Jaydon lo scucha e experiencia di e atletanan durante e weganan na Cali 2021. Jaydon lo haya mas informashon y workshops den diferente area deportivo, manera Anti doping, mental health etc, algo cu ta sumamente importante pa e por hiba bek Aruba.

Related Articles

Back to top button