Barranquilla2018News

Mack ta domina na Barranquilla

Medaya ta sigur pa Aruba den e deporte di Sailing

Mack van den Eerenbeemt ta dominando e deporte di sailing por completo aki na Weganan CAC Barranquilla 2018. Faltando solamente 2 careda mas pa bay den e disciplina di RS-X. Pa cual nos tin un medaya sigur den e deporte aki. E atleta Arubano lo mester subi awa diaranson competi den e dos careda cu ta falta p’asina ricibi medaya cu por cuminsa bisa ta di oro.

Despues 4 dia di competencia y 10 race, e atleta Mack van den Eerenbeemt ya a laga su nomber graba den e awanan di e ciudad Colombiano. Mack a sa na gana 9 race mientras 1 race e la sali na di 2 lugar. E condicion di tempo cu hopi biento ta na fabor di Mack, awe den ora nan di merdia e tempo a cambia poco pero no a hasi mucho diferencia mirando cu ya e di dos careda tabata terminando. Diaranson mainta Mack lo mira accion un biaha mas y historia por wordo scirbi pa Aruba den e disciplina di RS-X aki na Weganan Centroamericano y del Caribe Barranquilla 2018.

Tags

Related Articles

Close