Barranquilla2018News

Mas medaya pa Mikel

Brons den 200m liber den natacion

Mikel Schreuders ta logra un biaha mas un medaya den e Weganan Centroamericano y del Caribe Barranquilla 2018. Despues di logra su medaya di plata diabierna ultimo den 100m liber, diamars anochi ta logra su di dos medaya e biaha aki den 200m liber cu un tempo di 1:48.63 p’asina logra medaya di brons pa Aruba.

E mainta a inicia cu Mikel y Daniel participando den e mesun 200m liber. Mikel ta logra posiciona su mes na di 8 lugar den e tabla completo y asina logra su lugar den e final. Anochi e mester a inicia asina den e lane 8, pero esaki no a strob’e di demostra su calidad den awa. Apesar cu den e prome 50m e tabata atras t’e na di 5 lugar, ya na di 100m a bula dos posiciona y keda e resto di 100m ta di 3er lugar.

Cu e tempo aki Mikel ta logra un ‘personal best’ den su evento preferi.

Pabien Mikel🥈🥉

Related Articles

Back to top button