NewsRosario2019

Maud y Dominique no ta logra medaya

Team di Argentina tawata hopi fuerte pa e team di Aruba

Duo femenino Maud Celaire y Dominique Hopman no ta logra medaya di Brons y ta keda na di cuater lugar

Apesar di a hunga un tremendo partido pa e di tres y cuater lugar contra di Argentina, e dos hobennan Celaire y Hopman a duna bon bataya unda nan ta perde e prome set 6 – 3, den e di dos set Aruba a pone presion pero no por a manda e wega na nan fabor. Na e score 4 – 4, Argentina a gana e ultimo dos puntonan y gana e wega cu e score final di 6 – 4.

Tanto Maud como Dominique sigur por mira tras di un super bon torneo. Ambos atleta tin e talento y lo mester djis sigui focus pa logra yega mas leu posibel den e proximo torneo.

Ultimo wega lo tuma lugar den algun rato, caminda cu e duo Mix di Aksel y Dominique lo hunga e gran final aki na Rosario.

Related Articles

Back to top button