NewsRosario2019

Medaya di Plata pa Duo Masculino

Aksel cu Sander ta logra medaya di Plata pa Aruba

Medaya di Plata pa e duo Aksel Samardzic y Sander Castro na Rosario

No obstante cu nan a cay venci den e gran final di e Weganan Sur Americano di Playa na Rosario, Argentina, e duo di Aruba, Aksel Samardzic y Sander Castro a demostra sin duda cu e deporte di beach tennis na Aruba a haya su reconocimento y cu nos isla tin e talento di por yega leu den e deporte aki. Yega un final den e weganan di playa hungando contra e mihornan di Sur America no ta nada facil, paisnan grandi cu bon hungador tabata presente na Rosario. E duo Arubano Samardzic y Castro a perde cu e score di 7 – 5 y 6 – 2 contra di e faboritonan esta Brazil kedenan ta e seeded number 1 di e torneo aki. Y Brazil ta conoci mundialmente pa un di e mihornan despues di Italia den beach tennis.

Logrando un medaya di Plata pa Aruba ta prestacion di kita sombre cu merece tur elogio.
Pabien Aksel, Sander, Beach Tennis y Aruba completo.

Ainda falta pa Dominique y Maud hunga pa e di 3-4 luga y tambe e Duo Mix cu lo bai hunga pa Oro of Plata.

Tags

Related Articles

Check Also

Close
Close