Barranquilla2018News

MOMENTO HISTORICO PA ARUBA

Bowling ta logra medaya di Brons den Team di Damas

MOMENTO HISTORICO PA ARUBA

E deporte di bowling a inicia ayera cu e parti di Team Femenino na Cali, Colombia y cu a termina awe cu Aruba logrando e medaya di brons. E seis damasnan di Aruba cu a lucha pa esaki ta Abigail Dammers, Jeadine Luidens, Kamilah Dammers-Naddall, Thashaina Seraus, Vanessa Valdes y Xanthe Lobbrecht.

E competencia mes ta dura dos dia, cual a inicia ayera diamars cu e prome 3 wega nan di 6 cu mester completa. Despues di e prome dia Aruba tabata posiciona na di tercer lugar, cual a hasi cu awe nan mester a lucha pa mantene e puesto ey. Esaki no tabata uno facil mirando e rivalnan cu tabata den contienda pa e medaya di brons. Oro a keda pa e pais di Mexico y silver pa Colombia.

Mester bisa cu esaki ta prome biaha cu Aruba ta logra un medaya den e deporte di bowling den Weganan Centroamericano y del Caribe den e seccion di team.

Pabien ta bay na tur e hungadornan, como tambe coachnan y tur esnan cu a hasi e medaya aki posibel. Aworaki ta keda pa hunga Masters, caminda Thashaina Seraus y como tambe Kamilah Dammers-Naddall a logra clasifica pa hunga esaki cu ta inicia manjan.

Related Articles

Back to top button