Natacion a sigi na Compleho Acuatico

Compleho Acuatico Eduardo Movilla un biaha mas tabata cla pa e landadornan di e Weganan Centroamericano y del Caribe awenochi. Di Aruba a participa Patrick Groters y Anahi Schreuders den diferente disciplina.

Patrick tabata prome den e B Finale den 100m lomba, caminda ta logra un tempo di 56.92 seconde, cu tabata e 2do lugar cual porcierto ta un record nacional di Aruba. Anahi a mira accion algun rato despues den e final di 50m pecho. E ta termina na di seis lugar den e competencia cu un tempo di 33.33 seconde.

Mester menciona cu Anahi den e fase preliminar mainta a logra un tempo di 32.98 seconde cual ta un record nacional di Aruba.