News

Nicole Hoevertsz nombra pa dos puesto importante

dos puesto hopi importante pa e dos siguiente Weganan Olimpico

Comite Olimpico Internacional ta nombra miembro di Comite Ehecutivo di IOC, Sra. Nicole Hoevertsz pa dos puesto importante den e dos siguiente Ciclo Olimpico.

Presidente di Comite Olimpico Internacional Sr. Thomas Bach a nombra miembro ehecutivo di IOC, Sra. Nicole Hoevertsz pa dos puesto hopi importante pa e dos siguiente Weganan Olimpico despues di Tokyo 2020. Prome Sra. Hoevertsz a keda nombra como presidente di e Comision di Coordinacion pa e Weganan Olimpico di Los Angeles 2028. Un cargo sigur no facil cu lo hiba un preparacion extenso cune. Na banda di e puesto importante aki, Nicole a keda nombra tambe como Vice-Presidente di e Comision di Coordinacion pa Paris 2024.

Den pasado Sra. Nicole Hoevertsz a forma parti di diferente Comision di Coordinacion di IOC y di PanAm Sports.

Pabien Nicole y hopi exito cu e dos funcionnan nobo.

Related Articles

Back to top button