News

Nicole ta hasi entrega di IOC President’s Trophy

A hiba William "Junior" Millerson na su ultimo lugar di sosiego

Miembro di Comite Ehecutivo di IOC, Sra. Nicole Hoevertsz a haci entrega di e IOC President’s Trophy na famia di William “Junior” Millerson, awe den felis memoria.

Recientemente e hiba William “Junior” Millerson na su ultimo lugar di sosiego. E entiero a tuma lugar na nos isla ruman Corsow. Como miembro di Comite Ehecutivo di Comite Olimpico Internacional, Sra. Nicole Hoevertsz tabata presente na e entiero di William (Junior) Millerson. Cumpliendo cu peticion di IOC, Sra. Hoevertsz a entrega e IOC President’s Trophy na famia di Sr. Junior Millerson, awe den felis memoria.

Manera ta conoci, Junior a ocupa cargonan importante den deporte, manera entre otro Presidente di Nederlands Antilliaans Olympisch Comite (NAOC), Presidente di Pan American Karate Federation, Vicepresidente di World Karate Federation, Miembro di Comite Ehecutivo di e Asociacion de Confederaciones Deportivas Panamericanas (ACODEPA) y un atleta cu a destaca den e deporte di karate. Tambe Junior tabata Presidente di Parlamento di Corsow.

Di parti di COA, nos mas profundo condolencia na su kerida esposa, yiunan, famia y amigonan di William “Junior” Millerson, deseando hopi forsa cu e gran perdida aki.

Cu Junior por sosega na paz.

Related Articles

Back to top button