Lima2019News

Patrick ta logra su di dos final A

Lo mester logra pa medaya mas anochi

Patrick Groters ta logra su di dos Final A y lo lucha pa un medaya awenochi den e Weganan Panamericano Lima 2019.

E landado Patrick Groters ta e ultimo cu a mira accion aki na Lima, Peru den su deporte. Patrick a landa e mainta den e 200m IM. E landado Groters a inicia den baan 2 cu un personal record di 2:04:13.

Mester bisa cu den e 200m IM, Patrick a landa 50m tur 4 disciplinanan di landamento. Prome e la inicia cu mariposa aki e ta marca un tempo di 26.63, sigui pa lomba cu ta su disciplina di mas fuerte unda e ta marca un tempo di 57.22, e di tres cu tabata schoolslag Patrick ta marca un tempo di 1:33.71 y finalmente pa caba cu e estilo liber unda e ta marca un tempo final di 2:03.33. Aki Patrick ta kibra su record personal.

E tempo final di 2:03:33 tabata bon pa un di dos lugar den su heat. Den e standing overall Patrick ta finalisa na di 6 lugar cu un final A y un chens pa medaya cual Patrick lo landa awenochi na La Videna. Mester bisa cu Patrick casi ta logra un tempo B pa e Weganan Olimpico di Tokyo unda e ta keda 0.08 seconde leu.

Exito awenochi pa Patrick Groters.

Related Articles

Close