Barranquilla2018News

Philip ta mira accion den 10m pistol

Philip a logra di ta den e final di tiro na Barranquilla

Den competencia di Tiro, Aruba su atleta Philip Elhage a mira accion den e 10m pistol di aire.

E competencia tabata tin dos grupo di clasificacion, caminda Philip tabata den di dos grupo p’asina busca su clasificacion pa final. Den e fase clasificatorio ta logra keda na di cuatro lugar cu 568 punto cu e lider di e grupo na 569 punto. N’e momento di clasifica tabata tin 1 ora y 15 minuut pa logra tira un totaal di 60 tiro.

Den e final ta diferente, caminda bo tin un cantidad di tempo pa tira. Philip a experiencia poco nerviosismo den e round final, pa cual a faya algun tiro clave. Cu esaki ta keda na di 4 lugar y ta perde oportunidad di gana un medaya pa Aruba.

Siguientemente den e deporte di Tiro lo tin clasificacion pa Weganan Panamericano den luna di november y Philip lo busca su clasificacion asina cu e experiencia gana aki na Barranquilla, Colombia.

Related Articles

Close