Lima2019News

Philipine y Tijn cla pa start

Caredanan a inicia na Paracas despues di a wordo posponi

Philipine van Aanholt y Tijn van der Gulik cla pa inicia nan siguiente dia di competencia

Awe diaranson a inicia cu careda nan posponi debi na e tempo aki na Paracas. Despues pa 11or e biento a lanta y asina a saca Laser Radial y Laser Standard riba awa.

Ayera tabata un tremendo dia pa ambos atleta den e disciplina di Laser. Aki Tijn ta logra den su prome careda di 10 lugar. Den di dos careda e tabata lidera e competencia gran parti di e careda pero ta caba na di 9 lugar. E atleta mes ta super contento cu su prestacion den di dos careda. Den di tres careda despues di uza hopi energia den e prome dos careda nan a sinti e cansancio y caba di 20 lugar. Overall t’e cu awe ta posiciona na di 11 lugar y den su categoria e mihor 11 ta clasifica pa Medal Race diabierna awor.

Na banda di Philipine tambe tabata tin un tremendo resultado. Den e prome careda ta logra caba na di 2 lugar, un logro grandi mirando e caliber di atleta nan cu e ta participando contra dje. Den di dos careda ta caba na di 8 lugar y tercer careda na di 10 lugar. Den overall e ta posiciona na di 10 lugar y den su categoria Top 9 ta clasifica pa Medal Race.

Mack van den Eerenbeemt ta mira accion awe despues di 02:30 pm ora di Peru.

Tur clase di exito na nos atletanan.

Tags

Related Articles

Check Also

Close
Close