Apertura official di e seminario di Baseball5
Ayeratardi na Holiday Inn a tuma lugar e aperture di e seminario di Baseball5. Presente na e ocasion aki tabata Presidente di Comite Olimpico Arubano, Wanda Broeksema como tambe Minister di Deporte, Sr Endy Croes. Ambos a hiba palabra y tabata contento di mira tanto interes den esnan presente pa un deporte nobo. Di parti di ABBA tabata tey presente miembro di directiva, Sr Raul Gei cu tambe a hiba palabra pa e momento special aki.
E curso di Baseball5 a wordo presenta pa 2 persona di WBSC cu a bini Aruba p’asina por siña nos coachnan diferente parti di e deportee aki. E curso tin 3 dia di duracion y ta termina diahuebs anochi. E cursistanan cu atende tur tres dia di seminario, lo ricibi un certificado di participacion na final firma pa esnan di WBSC.
