Ling Wong

Ling Wong tabata presidentdi Comite Olimpico Arubano den e periodo di 1997 te cu 2000. E directiva cu Wong a encabesa tabata consisti di Eric Mohamed, vice-president; Nicole Hoevertsz, secretaria general; Mary Hsing, segundo secretaria; Arnold Le Grand, tesorero; comisarionan: Richard de Veer y Frank Velazquez.

Sr. Wong ta conta: como president mi no a haya e oportunidad pa experiencia un di e weganan olimpico pa motibo cu un poco prome cu e Weganan Olimpico di Athenas na aña 2000 Comite Olimpico Arubano a haya un directiva nobo. Loke mi ta corda cu tabata memorable pa Comite Olimpico Arubano durante e periodo cortico cu mi tabata president tabata entre otro e echo cu nos a logra haya Ernst & Young como sponsor, cu nos a logra reactiva e Academia Olimpico Arubano y cu nos a organisa un seminario di Sport Management di halto nivel.

Mi deseo y mensahe den cuadro di e celebracion di e 64 aña di participacion di atletanan Arubiano ta cu lo mester bin mas profesionalismo den e federacionnan deportivo cu ta cay bou di Comite Olimpico Arubano.