Zulema Erasmus presente na e Asamblea General di Centro Caribe Sports
Awe aki na San Salvador, El Salvador ta tumando lugar e Asamblea General di Centro Caribe Sports cu ta e organisacion encarga pa organisa e di XXIV Weganan Centro Americano y del Caribe San Salvador 2023. Zulema Erasmus, 2da Secretaria General di Comite Olimpico Arubano ta formando parti di e Asamblea cu ta tuma lugar un dia prome cu e inicio di un Wega.
Presidente di Centro Caribe Sports, Luis Mejia Oviedo a duna inicio na e Asamblea cu informe pa tur miembro di Centro Caribe Sports. Durante e Asamblea General, Presidente di e Comite Organisador di El Salvador, Yamil Bukele (ruman di Presidente Bukele) a presente diferente rapport, entre otro e inversion cu a ser hasi cu ta rond di 163 miyon dollar.
Sub-sede cu ta Santo Domingo su organisacion tambe a duna nan presentacion y na 2026 nan lo ta sede y lo pone enfoke riba Weganan di Hubentud y Playa. Na final di e Congreso a elabora riba e futuro Comision nan cu lo ta tratando e siguiente sede nan. Como tambe deporte nan nobo cu lo forma parti den e Weganan.
