Protocol di Deporte

Federacionnan di deporte a presenta nan protocol specifico na Comite Olimpico Arubano

Den e simannan tras di lomba varios di e federacionnan (y tambe algun club miembro) a traha nan protocol specifico pa nan deporte. Esaki tabata un recomendacion di COA y IBISA ya cu tur deporte ta ser practica diferente. Pa e deportenan practica pafor den aire liber(buitensporten) esakinan ya por a inicia, basta nan tene nan mes na e reglanan stipula pa DVG y Gobierno. Mester bisa cu te cu awor COA a ricibi protocol specifico pa varios federacion / club, esakinan ta ciclismo (BMX, road bike), sailing (WRCA, SYWA), weightlifting, tennis (lawn tennis y beach tennis), aquatics (general, artistic swimming, Giants, Turtles, Aqua Windies, Lion Fish), gimnasia, badminton, futbol y volleyball.

Ta bon pa menciona cu IBISA ya ta preparando un ekipo pa bishita e diferente entrenamentonan. Nan intencion ta djies pa pasa eynan, wak si nan tur federacion/club ta cumpli cu e exigencianan basico (habon, hand sanitizer, social distancing). Pa loke ta e protocolnan specifico, COA ta masha contento y impresiona cu e calidad di e protocolnan aki y ta expresa nan aprecio na tur esnan cu a yuda traha e documentonan aki. Tur protocol specifico lo wordo publica riba e plataformanan di social media di COA y tambe riba otro medianan social di deporte.

COA ta gradici tur federacion/club cu e tuma nan tempo pa traha un protocol specifico pa asina sigura e siguridad y salud di nan miembronan.

Link di Protocol di Federacionnan

Protocol Federacionnan di Volleyball
Link

 

Close