Lima2019News

Quincy a competi na Lima

E atleta a competi entre e mihor atletnan di continente

Atleta di salto largo, Quincy Breell a competi den e Panam Games 2019.

E atleta Quincy Breell a competi diaranzon atardi den e disciplina di salo largo den e Panam Games 2019 na Lima, Peru. Mester bisa cu Quincy a competi den un elenco cu e mihor atletanan den nos continente.

E atleta Breell a bula tres biaha di cual su prome intento tabata nulo. Den e su di dos intento Quincy a logra bula un 7.33 meter cual el a posiciona su mes na di 10 lugar overall.

Pa Quincy e la sinti su mes bon y a mira progreso den su desaroyo aunke no den distancia di loke e kier a bula. Riba algun aspecto e por a haci esaki miho pero di otro banda su speed pa cu su bula a bira hopi mas lihe. Segun Quincy su “inflight” ta loke ainda e tin cu traha riba dje mirando cu esaki ta haci cu su bula por caba un poco mas despues y claro bula algun centimeter mas.

Cuater aña pasa Quincy Breell a competi na e Weganan di Toronto, Canada unda e la bula un personal best di 7.72.

Exito Quincy

Tags

Related Articles

Close