Lima2019News

Roos y Bremo na di 14 lugar

Duo di Puerto Rico ta gana medaya di Oro

Bolicheronan Yannick Roos y Jonathan Bremo ta keda na di 14 lugar den doubles.

Den oranan di atardi, e competencia den doubles masculino a sigui na Lima, Peru unda e dou di Aruba, Roos y Bremo a mira accion. Mester bisa cu despues di un comienso fuerte den e prome wega unda ambos a tira riba 220 pin, e bolicheronan no por a sigui cu e bon racha aki. Tabata falta e consistencia den nan siguiente weganan hunga. A lo largo Yannick a caba cu un promedio di 201.1 mientras cu Jonathan a caba cu un promedio di 186.6. En total, Aruba a caba cu 4652 punto cu tabata bon pa un di 14 overall.

E duo di Puerto Rico a gana e medaya di Oro cu 5816 punto sigui pa Merca y Colombia cu a keda cu e Plata y Brons

Majan e weganan di singles lo cuminsa pa ambos bolichero. Exito Jonathan y Yannick.

Tags

Related Articles

Close