Lima2019News

Seraus ocupando un di 4 lugar

Competencia Individual a cuminsa na Lima

Thashaina Seraus ocupando un di 4 lugar riba e prome dia den singles

E competencia individual a inicia pa nos bolicheronan femenino y masculino den e Weganan Panamericano 2019 na Lima, Peru.

Femenino
E bolichero Thashaina Seraus ta ocupa un di 4 lugar despues di 6 wega hunga riba e prome dia. E atleta Seraus a inicia den gran forma awe diadomingo tirando un 268 punto den su prome wega y mesora a lidera e tabla di posicion. E medayista di Oro di e Weganan CAC a keda mantene su mes den e top 8 tur e seis weganan hunga. Na final Thashaina a caba e prome rond cu un total di 1323 punto cu un averahe di 220.5. Di otro banda Kamilah Dammers-Naddall no a inicia fuerte den su prome tres weganan pero despues a recupera den bon forma y a caba cu dos di e tres weganan riba 200+ cual a dune un di 13 lugar riba e tabla di posicion.

Masculino
Nos bolicheronan Yannick Roos y Jonathan Bremo a cuminsa mainta na nan competencianan individual. Pa ambos bolichero e dia no tabata esun di mas mihor unda nan no a haya e ritmo di wega desea. Jonathan Bremo ta tira pa un total di 1075 punto cu un averahe di 179.2 bon pa un di 31 lugar. Pa loke ta Yannick Roos a yega un total di 1164 punto cu un averahe di 194.0 bon pa un di 28 lugar.

MaƱan mainta e weganan lo continua cu e di dos ronda den femenino mientras atardi e bolicheronan masculino lo finalisa nan wega. Mester bisa cu e mihor 8 den ambos categoria lo sigui pa e gran final di e Weganan Panamericano LIMA 2019.

Tags

Related Articles

Close