Atlentanan a hasi prome training
Natacion a cuminsa cu nan entrenamento na Salvador
Tres atleta di natacion a hasi nan prome entrenamento aki na El Salvador
E prome session di entrenamento pa atleta nan di natacion a tuma lugar awetardi na Villa Centroamericano y del Caribe San Salvador 2023. Despues cu e atletanan Braynsly Dirksz y Elisabeth Timmer hunto cu coach Ismael Santiesteban a yega den ora nan di madruga diaranson y den ora nan di awe merdia atleta Patrick Groters a uni na e team, atardi a tuma lugar e prome session di entrenamento. Na e grupo di natacion falta solamente atleta Mikel Schreuders cu lo ta yegando awe madruga aki na El Salvador.
E prome entrenamento tabata pafo di piscina den presencia di 2da Secretaria General di Comite Olimpico Arubano, Zulema Erasmus y como tambe staff tecnico, Monica Fajardo. Atleta di pesas, Nathaly Geerman hunto cu su coach Paul Merino tambe a presencia e entrenamento di nos atleta nan di natacion.
Mester menciona cu atleta nan Timmer y Groters lo ta esnan encarga pa carga Nos Bandera na Apertura di e Weganan CAC San Salvador 2023.
