Lima2019News

Jolando elimina den prome rond

Un torneo cu sigur no a bai manera planea

Karateka Jolando Lindelauf ta keda elimina den e prome rond di e Weganan Panamericano Lima 2019.

E ultimo atleta representando Aruba awe na Lima, Peru tabata e karateka di Corsow, Jolano Lindelauf cu a mira accion den e categoria -67kg. Mester bisa cu e atleta Lindelauf a inicia na su prome pelea contra di Mexico unda e ta cay venci cu e score di 7 – 0. Den su di dos combate e ta perde cu e faborito den e categoria aki cu ta Brazil cu e score di 8 – 0 y finalmente e ta perde su di tres pelea contra di Republica Dominicana cu e score di 7 – 1.

E torneo sigur no a bay manera e atleta Lindelauf tabata kier. E la prepara su mes bon pa e weganan aki y claro cu e resultado final no tabata uno cu e la spera den su prome aparicion den un torneo grandi asina. Por a mira claramente cu Lindelauf tabata hopi disapunta y afecta pa cu e prestacion, e lagrimanan tabata bisto.

No obstante di e resultado final, Lindelauf lo tin cu re-evalua y mira con e lo sigui den e futuro sercano.

Related Articles

Back to top button