Patrick Groters ta keda na di 8 lugar den e 200IM na Lima, Peru
E hoben Groters a clasifica pa di dos biaha pa e gran final A na e Weganan Panamericano Lima 2019, awo den e 200m IM. Groters a haya un otro oportunidad di landa contra e mihornan den e competencia aki y disputa asina pa un medaya. Mester bisa cu mainta Groters a kibra su propio record Arubano marcando un tempo di 2:03:33.
Den e final A di e 200m IM anochi, Patrick a inicia prome cu e 50m mariposa unda ta marca un tempo di 25.95 , sigui pa lomba cu ta su disciplina di mas fuerte unda e ta marca un tempo di 56.71, e di tres cu tabata schoolslag Patrick ta marca un tempo di 1:34.84 y finalmente pa caba cu e estilo liber unda e ta marca un tempo final di 2:06.21. Notabel ta cu e prome 100m a bay hopi bon, pero e ultimo 100m tabata menos bon unda Groters ta finalisa na un di 8 lugar.
Remarcabel ta cu durante e Weganan Panamericano di Lima 2019, Patrick Groters a sa di establece 3 record Arubano nobo den landamento.
Pabien Patrick Groters.
