News

Pleno preparacion pa ricibi Bach

Ultimo reunion nan a tuma lugar diasabra ultimo

Comite Olimpico Arubano den pleno preparacion pa ricibi presidente di IOC, sr. Thomas Bach

Diasabra mainta, Comite Olimpico a tene nan ultimo reunion cu henter e comision organisador relaciona cu e bishita importante otro siman diabierna di e presidente di Comite Olimpico Internacional, sr. Thomas Bach acompana pa un delegacion di ehecutivonan deportivo di Panam Sports y Olympic Solidarity.

Na mes momento a reuni cu e federacionnan deportivo cu lo bay duna un demostracion di nan deporte e diasabra mainta 11 di maart. E trabounan na e Oficina di Coa den full swing mientras ta finalisando esaki.

Comite Olimpico Arubano kier a extende un cordial invitacion na tur federacion deportivo, nos atleta, dirigente y coachnan, boluntarionan deportivo y henter e Pueblo di Aruba pa bin celebra un momento masha special cu e apertura di e oficina di COA. E celebracion deportivo lo ta diasabra 11 di maart cuminsando pa 9or di mainta dilanti di e oficina di Comite Olimpico situa den Vondellaan(bandi Banco di Caribe).

Related Articles

Back to top button