Presidente di COA, sr. Roy Mezas a bishita e delegacion di Aruba na e Villa Olimpico.
Na vispera di e ceremonia di apertura di e Weganan Olimpico Tokyo 2020, presidente y vice-presidente di COA, sr. Roy Mezas hunto cu sra. Wanda Broeksema a haci un bishita na e delegacion di Aruba cu ta kedando na e Villa Olimpico na Tokyo.
Prome nan a encontra cu e atletanan Mikel, Ally y Philip, unda a hiba un combersacion extenso riba e preparacion pa e competencia na Tokyo. Mas cu claro sr. Mezas y sra. Broeksema a hasi un recorido den e Villa Olimpico unda nan a pasa na e cafetaria, a admira e cambernan di nos atletanan y a tuma oportunidad pa saca algun foto na e renchinan Olimpico.
Na final a presencia e atletanan di landamento den nan entrenamento na e Pisina Olimpico.
