Trabounan na oficina di Comite Olimpico Arubano a inicia
Presidentenan Bach y Ilic lo ta na Aruba dianan 10 y 11 di maart 2023
Trabounan na oficina di Comite Olimpico Arubano a inicia pa un bishita special
Awe den oranan di mainta a inicia cu e prome fase di renobacion y embeyecimento di e edificio di COA, situa den Vondellaan. Esaki en coneccion cu e bishita di Presidente di Comite Olimpico Internacional, Sr. Thomas Bach, cu ta wordo acompaña durante su bishita pa Presidente di PanAm Sports, Neven Ilic.
Presidentenan Bach y Ilic lo ta na Aruba dianan 10 y 11 di maart 2023. Pa e motibo aki e trabounan na e edificio lo mester ta cla p’asina ricibi Presidente di IOC aki na e oficina di COA. Ta bon pa menciona cu despues di e prome fase, lo inicia cu un segundo fase, cu ta inclui un ampliacion di e edificio, pa asina por tin un museo y un area pa duna charla y curso.
Pa awor sin embargo, prioridad ta fase 1, cu ta pa duna e edificio un imagen deportivo y Olimpico, convirtiendo e edificio den e “cas Olimpico” di Aruba.
