Lima2019News

Patrick tambe logra Final A

Dobbel momento Historico pa Aruba

Landado Patrick Groters tambe ta logra un final A den e Weganan Panamericano 2019 na Lima, Peru.

Un dobbel momento historico pa Aruba den e Panam Games na Lima, Peru ora cu e landado Patrick Groters tambe ta logra su clasificacion pa e gran final riba e 200m lomba. Despues cu Mikel a logra su paso pa final A, un rato despues tabata Patrick Groters cu a sigui cu e bon racha pa Aruba ora e ta landa un tempo record di 2:02.32 cual ta suficiente pa logra e di 8 mihor tempo overall den 24 landado. Patrick ta keda como number 4 den su heat. Esaki ta Patrick su prome salida den un Weganan Panamericano. E tempo registra di Groters ta un record Arubano nobo.

Sin duda un bunita momento pa e hoben Groters cu a traha duro despues di su lesion y awe ta paga cu un gran final awenochi na Lima, Peru.

Pabien y hopi exito Patrick.

Related Articles

Back to top button