Anti-Dopinganti-doping news

Testnan di Dopahe den deporte

Bon noticia pa Shakeena y Melizienne

Testnan di dopahe di e atletanan Shakeena Croes y Mellizienne Richardson a sali negativo, cual ta un super bon noticia pa ambos atleta y e deporte di softball

Prevencion di Dopahe den Deporte ta un topico mundial, rond mundo World Anti Doping Agency(WADA) hunto cu su partnernan ta purba na combati e fenomeno aki cu hopi danjo ta haci na e deporte mundial. Ta pone hopi presion riba tur pais rond mundo pa yuda na combati dopahe den deporte.

Na Aruba mes nos tin un comision cu ta haci test di dopahe cu nos atletanan. Algun luna atras conforme cu regla di Regional Anti Doping, e comision Anti-Doping a haci test di dopahe serca dos atleta femenino miembro di Aruba Softball Bond. E atletanan Shakeena Croes y Mellizienne Richardson ta e dos miembronan cu a haci e test di dopahe conforme reglanan y exigencia di WADA. E test di Shakeena y Millizienne a ser manda pa un laboratorio acredita pa WADA den exterior esaki pa un analisis y control profundo.

Mester bisa cu recientemente Comision Anti Doping a haya e muestranan bek unda cu gran placer a participa na e federacion di Aruba Softbal Bond – ASB cu e testnan di miembronan Shakeena Croes y Mellizienne Richardson a sali negativo, cual sin duda ta un super bon noticia. Segun investigacion di e laboratorio internacional acredita pa WADA, serca Croes y Richardson no a haya substancianan prohibi, pues ambos ta liber di uso di dopahe. E resultado aki ta haci Shakeena Croes y Mellizienne Richardson un ehempel pa no solamente nan deporte di softball, pero pa e deporte en general na Aruba, dos berdadero “Role Models”. Un pabien na atletanan Shakeena Croes y Mellizienne Richardson.

Comision Anti-Dopahe ta trahando duro pa concientisa nos federacionnan deportivo riba e tema anti-dopahe den deporte. Den e anja 2020, Comision Anti-Doping Aruba lo continua cu su programanan di charla pa nos atletanan y nan federacionnan. E charlanan anterior tabata tin su acohida unda e demas participantenan a keda hopi satisfecho cu tur informacion cu nan a haya cual ta hopi importante.

Riba e website di Comite Olimpico Arubano (tab Anti-Doping) por haya mas informacion y tambe por tuma contacto direct cu comision anti-doping via tel. 582-0031 of via Instagram of FaceBook: Anti-Doping Aruba Patrick Werleman

Related Articles

Back to top button