Dialuna anochi a continua cu e finalnan pa loke ta trata e deporte di natacion.
E anochi a inicia cu participacion di Patrick Groters den 200m lomba di final B, di cual ta termina na di prome lugar cu un tempo di 2:03.47. Jordy Groters como tambe Mikel Schreuders a competi den e final A di 50m pecho, cu un tempo di 28.60 seconde pa Mikel, cual ta un personal best y Jordy a logra un tempo di 28.68 seconde. Ambos tempo no tabata suficiente pa subi podium di medaya.
Mañan un biaha mas e deporte di natacion ta mira accion. Mikel y Daniel lo competi den 200m liber, Patrick lo ta den 50m lomba y ta termina e mainta cu un relevo di 4x 100m liber.
