Lima2019News

Un dia jen di biento na Paracas

Tur tres atleta a mira accion awe

Un dia yena di biento aki na Paracas

Awe diaranson e deporte di Vela a continua caminda nos tres atleta nan a mira accion. Den e disciplina di Laser Standard cu Tijn van der Gulik ta participa den dje no a logra un resultado na su gusto. Den ningun di e tres careda nan a logra un posicion satisfactorio pa su persona cual tabata 20 den e prome careda, 18 den di dos careda y na di 17 lugar den di dos careda. Mañan diahuebs ainda su categoria tin dos careda y ta posiciona na 16 lugar overall.

Pa Philipine van Aanholt den Laser Radial tabata un dia cu ta yud’e den e posicion overall. Den su prome careda ta logra posiciona su mes na di 6 lugar, di dos ta termina na di 9 lugar y ultimo careda na di 10 lugar. T’e na e momento aki ta posiciona su mes na di 9 lugar overall. Mester bisa si e atleta a entrega un protest y mas laat esaki lo wordo atendi y lo por baha cu un posicion overall si gana e protest. Mañan Philipine tin dos careda mas.

Den RS-X cu e atleta Mack van den Eerenbeemt ta participa a logra un tremendo resultado awe. Despues di varios dia sin por conta cu biento na su fabor, awe ta haya esaki y ta bataya entre e tresnan dilanti. Den su prome careda ta logra caba na di 2 lugar tras di Brazil. Den di dos careda ta caba na di 2 lugar y e biaha aki tras di Argentina cu ta un atleta cu a participa na Weganan Olimpico Rio 2016. Den su di tres careda ta caba di 3 lugar, tras di Argentina como prome lugar y Merca na di dos lugar, cual ta un atleta olimpico tambe. Overall Mack ta sigui na di 5 lugar y tin un careda so mañan.

Tags

Related Articles

Check Also

Close
Close