Lima2019News

Welcome Ceremony na Lima

Bon Bini na e delegacion di Aruba na Lima

Un caluroso bon bini na e Weganan Pan Americano Lima 2019 pa e delegacion di Aruba durante e Team Welcome Ceremony.

Diaranzon mainta, e delegacion Arubano participando na e Weganan Panamericano 2019 a keda oficialmente yama bon bini den e Villa Panamericano cu e tradicional ceremonia di bandera. E ciudad anfitrion Lima y su hendenan a ricibi y yama bon bini na henter nos delegacion di atleta, coach y dirigentenan. Presente tambe nos por a mira Presidente di COA, Sr. Roy Mezas, Tesorero Sr. Edwin Roos y Secretaria General di COA, miembro ehecutivo na Panam Sports y Comite Olimpico Internacional, Sra. Nicole Hoevertsz.

Na e bunita mainta aki a toca e honor na e delegacionnan di Aruba, Argentina, Guyana y British Virgen Islands pa presencia e bunita ceremonia di bandera cu a ser prepara pa e organisadonan. Aruba tabata e di dos pais cu a wordo yama unda nos atletanan di bowling, tiro y taekwondo mas algun miembro di delegacion a marcha den e desfile cortico.

Un grupo hoben di Lima, cu a demostra un baile nativo di Peru a habri e bunita mainta mientras e bandera di Aruba tabata e e di dos cu a wordo hisa acompaƱa pa nos tono glorioso Aruba Dushi Tera. A toca e honor na nos Hefe di Mision di Aruba, Sr. Kenneth Vrolijk pa entrega un obsekio di Aruba como recuerdo na e alcalde di e Villa Panamericano.

Tags

Related Articles

Close