Lima2019News

Wiebe de Boer a ricibi delegacion di Aruba

Na residencia na Lima Aruba a ser jama bon bini

Embahador Hulandes, Wiebe de Boer a ricibi e delegacion di Aruba na su residencia na Lima, Peru.

Diaranzon anochi, na residencia di e Embahada Hulandes na Lima, Peru, embahador Sr. Wiebe de Boer den presencia di sucesor Arjen Kool a ricibi e delegacion participando na e Weganan Panamericano LIMA 2019.

Den su speech cortico, Sr. de Boer a expresa si ta masha contento cu e por a ricibi e delegacion di Aruba na su cas, algo sigur hopi special mirando e lasonan di Reino. Na mes momento su persona a desea nos delegacion hopi exito y cu ohala nos por logra triunfa cu un medaya pa Aruba.

Presidente di COA, Sr. Roy Mezas tambe a dirigi su mes na esnan presente unda e la gradici embahador de Boer pa e caluroso recepcion na su residencia aki na Lima, Peru. E delegacion ta sinti nan mes sigur honra den un momento asina special. Nos atletanan lo haci nos maximo esfuerzo pa representa Reino den forma digno na e Weganan Panamericano aki na Lima, Peru

Por ultimo, secretario general di COA, Sra. Nicole Hoevertsz a haci entrega di algun regalito di Aruba Aloe na Embahador de Boer, Sra. Judith de Ruiter y Gerwin Woudt. Tambe Sra. Hoevertsz a duna un splicacion cortico riba e desaroyo di e Weganan Panamericano LIMA 2019 y con spectacular e Ceremonia di Apertura lo bay ta diabierna awor.

Tags

Related Articles

Close